Chmel Materialien 1/2 34
Aus Quellen Alpen-Adria
Materialien zur österreichischen Geschichte. Aus Archiven und Bibliotheken. Gesammelt und herausgegeben von Joseph Chmel. Erster Band. Zweites Heft. Wien 1837, S. 51 Nr. XXXIV.
XXXIV.
3. Juny 1439, Material. I. Regg. Nr. 229.
Schreiben des Erzbischofs von Salzburg an Herzog Friedrich von Oesterreich über die Zehentstreitigkeit zwischen St. Andrä und St. Paul.
Hochgeborner fürst besunder lieber Herr vnd freunde Solich ewr schreiben vns yecz getan von der Schub begen vnserer lieben in got des abbts zu sand Pauls vnd des brobstes zu sand Andre im Lauental auch das ir von wegen vinczenczen ettwenn vnsers viezdombs ze leibencz noch antburt von vns wartund seyt daran auch ewer lieb begert ein Comission hin ab ze lannd sennden damit der bemelt Abbt aus dem pann gelassen werde etc. haben wir alles vernomen vnd lassen ew wissen das der benant vinczencz als Inner zwayer tag zu vns komen ist ab dem haben wir erfaren das er den bemeltn abbt von zehendt wegen die vns vnd vnserm gotezhaws zuegehoren vnd die Im derselb Abbt, hat verhalden für geistlich gericht geczogen hat, darinn derselb Abbt in antburt komen ist vnd haben Souerr miteinander gerecht das der wenant viezdomb durch redlich weisung vnd kuntschaft das recht behabt von dem der bemelt abbt gedingt hat, an das heilig Concilium ze basel vnd ist derselben dingnuss nicht nachkomen als darzue gehort dadurch das selb recht vnd vrtail von dem ricgter durch nottürftig briefe geschaft ist ze volfueren dem aber der bemelt abbt nicht gehorsam vnd darumb in den pann gefallen vnd verkundet ist wiedarumb So haben wir dieselb sache geschaft an ze stellen zu solichen tegen So ir vnd wir miteynander holden werden das als dann auch dauon gerett werde Doch ob sich dieselb sache bei denselben tegen nicht geennt wurde das dann Solicher Schub vnd anstand an den bemelten rechten vnd vrtailen vnuergriffen sey dann von des pannes wegen darin der bemelt abbt von der obgemelten auch anderer seiner vngehorsam gefallen ist haben wir ewrer lieb zu geuallen vnserm lieben m got dem Erczbriester Im nydern kernden ein beuelhnuss ze tuon geschaft das er denselben abbt des pannes auff diczmal ledig lasse In aller mass als wir das vormaln mit unserm Official bestelt vnd ewrer freuntschaft zuegeschriben haben.
Geben ze salczburg vor des heiligen Gotzleichnamtag Anno domini etc. tricesimo non.
d. jüngern von Oesterreich.
